शेतकरी बांधवांसाठी Digital 7/12 Utara Online कसा काढायचा याची एकदम सोपी पद्धत तुमच्या साठी आणली आहे. आपल्याला माहितीच आहे शेतकऱ्यांसाठी सातबारा हे अतिशय महत्वाचे दस्तऐवज आहे. याचा उपयोग अनेक कामांसाठी होतो त्यामुळे शेतकऱ्यांना वेळेवर सातबारा मिळत नाही. पण आता तुम्हाला चिंता करायची गरज नाही एकदम सोप्या पद्धतींनी तुम्ही घरी बसल्या डिजिटल ७/१२ उतारा ऑनलाइन काढू शकणार आहे.
Digital 7/12 Utara Online Download थोडक्यात माहिती
महाराष्ट्रातील सर्व शेतकरी आणि जमिनधारकांसाठी 7/12 उतारा (Satbara Utara) हा एक अत्यंत महत्त्वाचा कागदपत्र आहे. यात जमिनीच्या संबंधित सर्व माहिती उपलब्ध असते जसे जमिनीचा मालकीहक्क, क्षेत्रफळ, पीक माहिती, कर्ज नोंदी, हक्क नोंदी आदी सर्व माहिती असते. यामुळे शेतकऱ्यांना कर्ज, सबसिडी, सरकारी योजना यासाठी अर्ज करताना 7/12 उतारा आवश्यक पडतो.
Online 7/12 Utara काढायला किती वेळ लागतो?
पूर्वी नागरिकांना हा उतारा मिळवण्यासाठी तलाठी किंवा तहसील कार्यालयात जावे लागत होते. परंतु, आता महाराष्ट्र शासनाने हा दस्तऐवज ऑनलाइन (Digital 7/12 Utara) स्वरूपात उपलब्ध करून दिला आहे. त्यामुळे नागरिकांना घरबसल्या इंटरनेटवरून ५ मिनिटात आपल्या मोबाइल वरून हा उतारा मिळू शकतो. कसा काढायचा आहे याबद्दल संपूर्ण माहिती या लेखामध्ये उपलब्ध आहे.
Digital 7/12 Utara Online चे फायदे
डिजिटल 7/12 उताऱ्यामुळे शेतकरी आणि नागरिकांना मोठी सोय झाली आहे. आता हा उतारा घरबसल्या मिळतो, त्यामुळे वेळ वाचतो आणि तलाठी कार्यालयाच्या फेऱ्या माराव्या लागत नाहीत. हा उतारा कधीही, कुठूनही ऑनलाइन डाउनलोड करता येतो. तसेच या प्रक्रियेमुळे ई-गव्हर्नन्सला चालना मिळते आणि भ्रष्टाचारावर आळा बसतो.
Gharkul Yojana New List 2025: आनंदाची बातमी! घरकुल योजना नवीन लिस्टमध्ये लाखो कुटुंबांचा समावेश
डिजिटल 7/12 उतारा कुठून मिळेल?
महाराष्ट्र सरकारने Mahabhulekh (महाभूलेख) हे अधिकृत संकेतस्थळ सुरू केले आहे. येथे सर्व जिल्ह्यांचे जमिनीचे रेकॉर्ड पाहता व डाउनलोड करता येतात. या अधिकृत वेबसाइट वरून तुम्ही अगदी मोफत सातबारा काढू शकता.
वेबसाईट लिंक: https://mahabhulekh.maharashtra.gov.in
ऑनलाइन डिजिटल 7/12 उतारा कसा डाउनलोड करावा?
- Digital 7/12 Utara Online Download करण्यासाठी सर्वप्रथम तुम्हाला महाभूलेख अधिकृत वेबसाईट वर जावे लागेल.
- तेथे तुम्हाला आपला “जिल्हा” निवडावा लागेल.
- त्यानंतर “7/12” किंवा “सातबारा” पर्यायावर क्लिक करा.
- तालुका व गाव निवडा आणि सर्व्हे नंबर / गट नंबर / नाव / खातेदार नाव यापैकी योग्य पर्याय निवडा.
- त्यानंतर तुम्हाला जमिनीची माहिती दिसेल.
- उतारा पाहण्यासाठी View 7/12 पर्याय निवडा.
- हवे असल्यास तो उतारा PDF स्वरूपात डाउनलोड करून प्रिंट काढता येतो.
डिजिटल 7/12 उताऱ्याची वैशिष्ट्ये
हा उतारा संगणीकृत असल्यामुळे यामध्ये चुका होण्याची शक्यता कमी असते. तसेच यासोबत जमिनीचा नकाशा (8A उतारा) सुद्धा पाहता येतो. नवीन बदल, नोंदी, हक्क तत्काळ अपडेट आपल्याला लगेच मिळू शकतात. जगातील कुठल्याही कोपऱ्यातून २४ तास कधीही तुम्ही ऑनलाइन सातबारा मिळवू शकता. QR Code असलेला डिजिटल उतारा अधिकृत मानला जातो.
निष्कर्ष
Digital 7/12 Utara Online सुविधा महाराष्ट्र शासनाची शेतकऱ्यांसाठी दिलेली अत्यंत सोयीस्कर सेवा आहे. यामुळे आता उताऱ्यासाठी सरकारी कार्यालयात जाण्याची गरज नाही. मोबाईल किंवा संगणकावरून काही मिनिटांत हा उतारा मिळतो. “डिजिटल इंडिया” च्या दिशेने ही एक मोठी पाऊल आहे.
FAQ
1) डिजिटल 7/12 उताऱ्याची प्रिंट काढली तर ती वैध आहे का?
होय. डिजिटल उताऱ्यावर QR Code दिलेला असल्यामुळे तो अधिकृत मानला जातो.
2) डिजिटल 7/12 उतारा मोफत मिळतो का?
होय. महाभूलेख वेबसाईटवरून उतारा मोफत पाहता व डाउनलोड करता येतो.
मी नितिकेश, मागील 4 वर्षांपासून महाराष्ट्रातील विविध शासकीय माहिती, सरकारी नौकरी माहिती लोकांपर्यंत पोहोचवण्याचे काम करतोय. marathisathi.in या वेबसाईटवर तुम्हाला सर्व योजना एका ठिकाणी, अगदी सोप्या भाषेत समजून घेता येतील, कारण तुमचा हक्काचा लाभ मिळवायला माहिती असणं गरजेचं आहे!