Silai Machine Picofall Machine Womens : अनुसूचित जमातीतील महिलांना स्वावलंबी बनविण्यासाठी आदिवासी विकास विभाग, महाराष्ट्र शासन यांच्याकडून ही महत्वाची योजना सुरू करण्यात आली आहे. या योजनेअंतर्गत महिलांना शिलाई मशीन किंवा पिकोफॉल मशीन खरेदीसाठी ₹20,000 पर्यंतचे आर्थिक सहाय्य दिले जाते. या योजनेमुळे महिलांना घरबसल्या रोजगार निर्माण करण्याची आणि स्वतःचे उत्पन्न वाढविण्याची संधी मिळणार आहे.
योजनेचा उद्देश
या योजनेचा मुख्य हेतू म्हणजे अनुसूचित जमातीतील महिलांना शिवणकाम व्यवसायासाठी प्रोत्साहन देणे आणि त्यांना स्वरोजगाराच्या माध्यमातून आर्थिकदृष्ट्या सक्षम करणे. शिलाई व पिकोफॉल मशीनच्या साहाय्याने महिला कपड्यांचे शिवणकाम, पिकोफॉल, ड्रेस डिझाईनिंग यांसारख्या सेवा देऊन घरबसल्या व्यवसाय सुरू करू शकतात. यामुळे कुटुंबाचे उत्पन्न वाढेल आणि महिलांना समाजात सन्मानाचे स्थान मिळेल.
Ladki Bahin Yojana यादी Maharashtra। या यादी मध्ये नाव असेल तरच मिळेल लाडकी बहिणीला पुढील हप्ते
पात्रता निकष
या योजनेसाठी अर्ज करणाऱ्या महिलांनी खालील अटी पूर्ण करणे आवश्यक आहे.
- अर्जदार महिला अनुसूचित जमातीतील असावी.
- महाराष्ट्राची स्थायी रहिवासी असावी.
- वय किमान 18 वर्षे किंवा त्याहून अधिक असावे.
- शिवणकामात रुची किंवा अनुभव असावा.
मिळणारे लाभ
- प्रत्येक पात्र महिलेला ₹20,000 पर्यंतचे अर्थसहाय्य दिले जाईल.
- ही रक्कम थेट लाभार्थीच्या बँक खात्यात DBT द्वारे जमा केली जाईल.
- मिळालेल्या अनुदानातून शिलाई मशीन किंवा पिकोफॉल मशीन खरेदी करता येईल.
आवश्यक कागदपत्रे
- आधार कार्ड
- जात प्रमाणपत्र
- रहिवासी दाखला
- बँक पासबुक
- पासपोर्ट साईज फोटो
Azim Premji Scholarship 2025 : उच्च शिक्षणासाठी मुलींना थेट खात्यात मिळणार ₹30,000, ऑनलाईन अर्ज सुरू
ऑनलाईन अर्ज प्रक्रिया
- अधिकृत संकेतस्थळावर scheme.nbtribal.in/register भेट द्या.
- नवीन नोंदणी (New Registration) करा.
- आवश्यक माहिती भरा आणि सर्व कागदपत्रे स्कॅन करून अपलोड करा.
- अर्ज पूर्ण करून सबमिट करा.
- अर्ज मंजूर झाल्यानंतर अनुदानाची रक्कम थेट बँक खात्यात जमा होईल.
योजनेचे फायदे
ही योजना महिलांच्या आर्थिक उन्नतीसाठी मोठा हातभार लावते. घरबसल्या शिलाई मशीनच्या साहाय्याने व्यवसाय सुरू करून महिला स्वतःचे उत्पन्न वाढवू शकतात. शिवणकाम, पिकोफॉल, ड्रेस डिझाईनिंग यांसारख्या सेवांना बाजारपेठेत नेहमीच चांगली मागणी असल्यामुळे हा व्यवसाय दीर्घकाळ टिकणारा आणि नफा देणारा ठरतो. तसेच शासनाकडून थेट खात्यात अनुदान मिळाल्याने महिलांना मशीन खरेदीसाठी कर्जाचा भार उचलावा लागत नाही.
निष्कर्ष
या योजनेचा लाभ ग्रामीण तसेच शहरी भागातील महिला सुद्धा घेऊ शकतात. पात्र निकषात बसणाऱ्या सर्व लाभार्थी महिलांना योजनेचा लाभ दिल्या जाणार आहे. अर्ज प्रक्रिया सोपी आहे, सर्व आवश्यक कागदपत्रे तुमच्याकडे असणे गरजेचे आहे. तुम्ही या योजनेसाठी लाभार्थी पात्र ठरत असाल तर आजच अर्ज करा आणि योजनेचा लाभ घ्या.
मी नितिकेश, मागील 4 वर्षांपासून महाराष्ट्रातील विविध शासकीय माहिती, सरकारी नौकरी माहिती लोकांपर्यंत पोहोचवण्याचे काम करतोय. marathisathi.in या वेबसाईटवर तुम्हाला सर्व योजना एका ठिकाणी, अगदी सोप्या भाषेत समजून घेता येतील, कारण तुमचा हक्काचा लाभ मिळवायला माहिती असणं गरजेचं आहे!